من أهم البوستات اللي كتبتها.. فيه 3 نصايح مهمة في الآخر للمطورين والشركات والأفراد العاديين.. اقرا بعناية.
—-
مقدمة لابد منها
–
من أعظم المفاهيم اللي بيتم تطبيقها في علوم الكمبيوتر مفهوم الـ abstraction.. الكمبيوتر أول ما بدأ كانت بيتم برمجته باللغة الثنائية زي ما معظمكم عارف.. الـ 0 والـ 1 اللي بيتعامل مع المكنة مباشرة.. بعد كده جت الـ assembly.. عشان تترجم تعليمات برمجية مكتوبة بالحروف والأرقام للغة الآلة.. بعد كده جت لغات high level زي ال C والجافا وغيرها.. ما بقيتش محتاج تفهم لغة الآلة عشان تكتب برنامج كمبيوتر.
جت بعد كده أنظمة التشغيل عشان تحط طبقة تانية من الـ abstraction.. ما بقيتش محتاج تبقى مهندس برمجة عشان تتعامل مع المكنة.. نظام التشغيل هو اللي بيتولى التعامل مع الهاردوير.. والمبرمجين يكتبوا سوفتوير.. وانت كمستخدم تقدر تتعامل مع نظام التشغيل والبرامج اللي عليه مباشرة من غير ما تحتاج تفهم أو تتعامل مع كل التعقيدات البرمجية والهندسية اللي وراه.
شوية أخبار قديمة
جوجل استحوذت على اندرويد كنظام تشغيل لأجهزة التليفون سنة 2005 في مقابل 50 مليون دولار وسابته مفتوح المصدر وأي شركة تليفونات تقدر تستخدمه في تشغيل تليفوناتها.. وعملت طبقة abstraction جديدة سمحت للمبرمجين يطوروا تطبيقات لأجهزة التليفون دي.. وعملت ecosystem كامل.. الـ playstore.. والمكتبات والـ SDKs وال documentations اللي بتطورها باشتمرار.. دخلها من التطبيقات والألعاب وصل لحوالي 42 مليار دولار في 2022.
بيل جيتس في 2019 صرح إنه أكبر غلطة ارتكبها هو إنه سمح لجوجل تطلع بأندرويد.. وإن دا خسر ميكروسوفت حوالي 400 مليار دولار!
في 21 مارس اللي فات.. بيل جيتس صرح إنه بيتقابل مع الناس في OpenAI من 2016.
بحسب CrunchBase.. مايكروسوفت هي أكبر مستثمر في OpenAI بإجمالي استثمارات حوالي 11 مليار دولار.. ومفيش مستثمر تاني من باقي ال 10 اللي استثمروا قرب حتى من عشر الرقم دا.. بما فيهم ناس تقيلة زي سيكويا وواي كومباينيتور.. والفلوس دي بيستخدموها عشان أنشطة الـ R&D اللي طلعوا منها النماذج والشغل دا.. وفي تشغيل خدماتهم.. واللي بحسب واحد من التقارير.. ChatGPT لوحده بيكلف حوالي 100 ألف دولار في اليوم الواحد!
شركة OpenAI دلوقت بتحاول تلاقي احسن monetization model(s).. وقدرت أحصر لحد دلوقت 3 مصادر دخل بيجربوا فيهم.. بالإضافة لواحد ثوري واضح إنه جاي في السكة.
أولهم واللي بيعتبر الـ stream الأساسي.. هو الدخل من استخدام الـ APIs الخاصة بنماذج GPT المختلفة بنظام Pay as you go.. الشركة بتقدم APIs.. لاستخدام النماذج دي في use cases مختلفة.. عشان الشركات التانية تستخدمها في إضافة قدرات النماذج دي لتطبيقاتها.. والحساب بالألف token حسب الإستخدام.. ومن أشهر الشركات اللي OpenAI ذكرتهم في موقعها.. Stripe و Intercomeو انستا كارت وغيرها.
الـ stream التاني واللي ظهر بعد الزخم اللي عمله ChatGPT.. واللي أظنه لسة تجريبي.. واللي بتحاكي فيه نموذج دخل شركات الـ hosting.. هو اطلاق منصة للمطورين اسمها Foundry.. بتتيح للمطورين (الشركات الكبيرة في الغالب) إنهم يبقوا عندهم زي سيرفرات خاصة لكل عميل.. له كامل التحكم في النماذج اللي عليها وتقدر تصد على أحمال عالية من الشغل.. فكر فيها كأنه VPS أو dedicated server بدل ما تستخدم الـ shared APIs بالـ rate limits بتاعتها.
التالت هو اشتراك GPT Plus.. ودا بيستهدفوا بيه الأفراد.. تدفع اشتراك شهري في مقابل استخدام أحدث نموذج GPT-4 اللي بيدعم الكتابة والصور والصوت.. وماتعطلش في أوقات الذروة.
في تقديري بقى اللي لسة في بداياته خالص وجاي في السكة.. واللي أظنه جاي بايعاز مباشر من بيل جيتس عشان يصحح غلطته القديمة مع أندرويد.. هو طبقة abstraction جديدة.. بناء ecosystem كامل حوالين الـ AI شبه بتاع جوجل وابل.. عن طريق بناء marketplace لـ plugins تشتغل فوق النماذج بتاعتهم.. بما يتضمنه من أدوات وبرامج للمطورين تمكنهم من عمل دا وتحقيق دخل من وراه.. ولو شطحت بالخيال شوية ممكن نتكلم في نوع جديد من أنظمة التشغيل أو cloud platforms.
ما أظنش إن جوجل هتسيبلهم الساحة ينفردوا فيها.. وإن زي ما جوجل زاحمت أبل في أنظمة تشغيل التليفونات والتطبيقات والألعاب.. هتزاحم OpenAI في الصناعة الجديدة بتاعة منصات الـ AI.
الموضوع لسة في بداياته.. ومليان مشاكل وتحديات.. لكن لو OpenAI قدرات تحل الحد الأدنى المطلوب منها.. فاحنا دلوقت بنشهد البداية الحقيقية للثورة الصناعية الخامسة.. وولادة عملاق جديد وسط الكبار.. واللي ممكن يزيح بعضهم أو على الأقل يزقهم تحت منه!
إحنا ممكن نستفيد إيه.. أو المفروض نعمل إيه؟
أنا شايف إن موضوع الـ marketplace دا لو نجح.. هيبقى نقلة ثورية.. كأنك في بدايات الـ stores بتاعة جوجل وأبل.. المطورين محتاجين يمشوا إيديهم ويفهموا أكتر عن الـ ecosystem الوليد دا.. اللي هيدخل بدري ويقدر يعمل حاجة مفيدة هينبسط قوي.. وحتى لما يبقى فيه منافسين لـ OpenAI.. اللي بيبدأ هو اللي بيحط الـ standards.. واللي هتعمله هنا هتعمله هناك.
الشركات محتاجة تبدأ تستكشف ممكن تنضم إزاي بدري وتستفيد من إمكانيات الـ AI اللي في بدايات تغولها دلوقت.. حاليا بنتكلم في التحول الرقمي.. والشركات اللي مالهاش تواجد أونلاين كأنها مش موجودة.. كمان 10 سنين اللي مش هيبقى بيستغل الذكاء الصناعي في البيزنس بتاعه بشكل أو بآخر مش هيبقى موجود على الخريطة.. وساعتها هيبقى الكلام على الـ AI Transformation.
الأفراد العاديين.. محتاج تعرف أكتر يعني إيه ذكاء صناعي.. إيه استخداماته.. تقدر تستفيد منه إزاي.. إيه مخاطره.. تقيمه وتتعلمه منين.. زمان كنا بنتكلم عن محو أمية القراية والكتابة.. بعد كده محو أمية الكمبيوتر.. قريب قوي اللي ما يعرفش أساسيات الذكاء الصناعي وبيستخدمه بشكل أو بآخر في شغله هيعتبر جاهل.. أيا كان تخصصك أو شغلك.
جايزة مانشستر السنوية.. مليون دولار لأبحاث الذكاء الصناعي
الموضوع مش مجرد الجايزة بس.. وزير خزانة بريطانيا أعلن عن شوية حاجات كجزء من خطة استرايتجية…