أهلا وسهلا.. أنا إيهاب تاج بشتغل Group Product Manager في Tactful.AI.
عندي معرفة وخبرة كبيرة في مجالات زي ريادة الأعمال وعلوم الحاسب وبرمجة الموبايل والمواقع.. ومؤخرا أضفت ليهم علوم البيانات والذكاء الصناعي.
خلال رحلة التعلم بتاعتي في البيزنس.. جمعت مهارات وخبرات في مجالات مختلفة زي التسويق والمبيعات.. والإدارة المالية وإدارة الإستثمار.. إتقان إدارة العمليات.. والتخطيط الإستراتيجي.
دمج مهارات البيزنس المختلفة دي مع المهارات التقنية في مجالات البرمجة علوم البيانات والذكاء الصناعي مكنني من بناء رؤية شاملة وفهم متكامل للمنطقة اللي بيتقاطع فيها البيزنس مع التكنولوجيا وإزاي أقدر أطلع أكبر فايدة من الإتنين في نفس الوقت.
الرؤية الشاملة دي مكنتني من الأدوات الأساسية اللازمة لإيجاد الرؤية القوية ﻷي منتج تقني وبناء الإستراتيجيات اللازمة لنجاحه عن طريق مهارات البحث والتأكد من الفرضيات عشان أطلع بأهم مواصفات لازم تتوفر في المنتج وتقدم أعلى قيمة.. وتوصيل القيمة والمميزات دي لكل الأطراف المعنية سواء بيزنس أو مستهلك أو مطورين بيبنوها.. بحيث تكون متمحورة حوالين المستخدم النهائي بشكل يضمن بناء وتوصيل أعلى قيمة ليهم في ضوء الإمكانيات المتاحة لتطويرها.
“تمسك بالرؤية.. وكن مرن في التفاصيل”
جيف بيزوس.. أمازون
